HausaInfo.Com.Ng No 1 Kano Best Entertainment Website: Latest Videos

A kan tsaro: Fitaccen Malami ya zazzagi Buhari, ya ce bashi da amfani (Bidiyo)

<p> Main Labarai LABARAI A kan tsaro: Fitaccen Malami ya zazzagi Buhari, ya ce bashi da amfani (Bidiyo) 7 hours ago 7225 views by  Aisha Khalid Sannanen abu ne idan aka ce matsalar tsaro ta ki ci balle cinyewa a arewacin Najeriya. Da farko mayakan ta'addancin Boko Haram sun addabi yankin arewa maso gabas, amma yanzu 'yan bindiga sun gangaro yankin arewa ta yamma da ta tsakiya. Wannan matsalar ta kasance tana ci wa jama'a da dama tuwo a kwarya. Sheik Adam Albani fitaccen malami ne wanda lamarin ya matukar saka shi cikin damuwa. Wani bidyonsa da ya bayyana yana yi wa shugaban kasa Buhari 'wankin babban bargo' ya janyo cece-kuce. A cikin bidiyon wanda ya fara da sautin murya amma daga bisani ya kare da hoto, ya bayyana cewa Shugaba Buhari bashi da amfani kwata-kwata. Ya yi fatan kada Allah ya sake gwadawa 'yan Najeriya mulki irin wannan wanda ke cike da tashin hankali. Ya bukaci gwamnati da ta tashi tsaye wurin bai wa rayukan jama'a da dukiyoyinsu kariya, domin kuwa hakan yana daga cikin hakkin jama'a a kan gwamnatin. Ga bidiyon a kasa</p><p><iframe width="320" height="180" src="https://www.youtube.com/embed/DOQfgv5sjos" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe></p><p><br /></p><p>https://youtu.be/DOQfgv5sjos</p>